Distancimi i “deputetëve” pas rinumërimit, Cakolli: S’kam dëgjuar që dikush për inati të shtojë vota

Eugen Cakolli, nga Demokracia në Veprim, ka komentuar distancimin e kandidatëve në lidhje me shtimin e votave. Ai, në emisionin “DPT te Fidani” në Klan Kosova, u shpreh se nuk ka dëgjuar ndonjëherë që dikush, për inati, t’i shtojë vota dikujt.

“Kam dëgjuar raste kur për inati dikush t’ia vjedh votat, por nuk kam dëgjuar që për inati dikush t’ia shtojë, edhe atë qindra ose mijëra vota”, tha ai.

Cakolli tha gjithashtu se është i prirur të mos e besojë distancimin vetëm si akt të cilitdo deputet.

“Pra, në parim, unë jam i prirur të mos i besoj distancimit vetëm si akt i cilitdo prej kandidatëve. Unë nuk besoj që dikush mund t’i shtojë qindra e mijëra vota vetëm se ka preferencë ndaj teje si kandidat”, tha ai.