Daut Haradinaj ka reaguar pas dënimeve të ish-drejtuesve të UÇK-së nga Gjykata Speciale në Hagë, duke kritikuar ata që, sipas tij, po tentojnë të dekurajojnë revoltën qytetare.
Haradinaj ka akuzuar disa persona publikë për “propagandë të dekurajimit” të protestave dhe kundërshtimit të vendimeve të Hagës.
“Disa matrapazë publikë e paskan filluar propagandën e dekurajimit të shprehjes së revoltës qytetare për dënimet e Hagës: ‘jo kështu, jo ashtu, jo foli ky, jo foli ai…’”, ka shkruar Haradinaj.
Shkrimi i tij;
Çfarë hipokrizie! Nga Kosova mbështeste e protestonte në Tiranë për lirinë e flamingove në Zvërnec, e sot i gëzohet kafazit të Çlirimtarëve në Hagë!
Disa matrapazë publikë e paskan filluar propagandën e dekurajimit të shprehjes së revoltës qytetare për dënimet e Hagës: “jo kështu, jo ashtu, jo foli ky, jo foli ai…” Me fillimin e kësaj lufte speciale për relativizim, po synojnë ta arrijnë dorëzimin qytetar në mbrojtje dhe besim se lufta e UÇK-së ishte e drejtë dhe e pastër.
