Bënte vozitje të rrezikshme, policia gjobit shoferin e një katërçiklete në Prishtinë

Sipas policisë, krahas kësaj, ai është gjobitur edhe për mos vendosje të helmetës mbrojtëse.

Për asnjërin rast, policia s’ka bërë të ditura gjobat e vendosura.

“Njësiti i Trafikut të Kryeqytetit ka arritur identifikimin e një drejtuesi të katërçikletës, i cili ditë më parë kishte bërë vozitje të rrezikshme, në rrugën Agim Ramadani, në Prishtinë.

Ndaj të njëjtit, konform ligjit të trafikut rrugor është shqiptuar gjoba për vozitje të rrezikshme, po ashtu edhe gjoba për mos vendosje të helmetës mbrojtëse.

Policia e Kosovës ju bënë thirrje gjithë qytetarëve që t’i zbatojnë rregullat e trafikut rrugorë dhe të kenë kujdes gjatë vozitjes, thuhet në njoftimin e policisë.