Kandidati i AAK-së për kryeministër, Ardian Gjini, ka zhvilluar sot vizita në disa biznese, ku ka dëgjuar nga afër shqetësimet dhe sfidat me të cilat përballet sektori privat.
Gjini ka theksuar se shteti duhet të jetë mbështetës i iniciativës private dhe jo pengesë për zhvillimin e saj, duke kritikuar burokracinë që, sipas tij, po rëndon mbi bizneset.
“Shteti duhet të jetë mbrojtës i iniciativës private, jo bllokues i saj. Burokracia duhet t’i lëshojë vendin mbështetjes konkrete”, ka deklaruar ai gjatë vizitës në Gjakovë.
Sipas Gjinit, sektori privat ka nevojë për më shumë lehtësime, politika zhvillimore dhe partneritet të qëndrueshëm me institucionet, në mënyrë që të rriten investimet dhe të hapen vende të reja pune.
