Ahmeti viziton familjen e kandidates për Asamble Komunale: Lipjani fiton kur profesionistë si ti marrin përgjegjësi për të ardhmen

Kreu aktual dhe kandidati i LDK-së për kryetarin e Lipjanit, Imri Ahmeti po vazhdon takimet dhe vizitat e partisë në qytetin e tij, shkruan GazetaDemos

Ai së fundi ka njoftuar se ka takuar familjen e kandidates së LDK-së pë Asamble Komunale, Arjeta Shillova-Sadiku.

Ahmeti njoftoi se gjatë këtij tubimi, u diskutua progresi dhe zhvillimet e deritanishme në Komunë, dhe vizionin për katërvjeçarin e ardhshëm.

“Nga të pranishmit kërkuam mbështetjen për Arjetën që të jetë zëri i tyre në Asamblenë Komunale. Ne besojmë se një mësuese me rezultate të shkëlqyera në arsim i duhet asambles së ardhshme për të dhënë kontribut të veçantë, sidomos në çështjet e arsimit”, tha ai.

Postimi i plotë:

Sonte vizituam familjen e kandidates sonë për Asamble Komunale, Arjeta Shillova-Sadiku.

Me familjen e Arjetës, miqtë dhe përkrahësit e saj, bashkëbiseduam për progresin dhe zhvillimet e deritanishme në komunën tonë, si dhe për vizionin tonë për katërvjeçarin e ardhshëm, përtej fjalëve, me punë për Lipjanin.

Nga të pranishmit kërkuam mbështetjen për Arjetën që të jetë zëri i tyre në Asamblenë Komunale. Ne besojmë se një mësuese me rezultate të shkëlqyera në arsim i duhet asambles së ardhshme për të dhënë kontribut të veçantë, sidomos në çështjet e arsimit.

Suksese Arjeta, Lipjani fiton kur profesionistë si ti marrin përgjegjësi për të ardhmen!