Bayraktar KIZILELMA, avioni kombëtar luftarak pa pilot i Turqisë kreu me sukses një fluturim testimi të performancës së radarit MURAD 100-A AESA të zhvilluar nga ASELSAN. Kreu i kompanisë Baykar, Selçuk Bayraktar ndau një pamje nga fluturimi testues në llogarinë e tij në mediat sociale.
MURAD 100-A i zhvilluar nga ASELSAN, falë arkitekturës së tij AESA (Active Electronically Scanned Array) ka aftësi të shkathëta të drejtimit elektronik të rrezes dhe shërben si një radar shumëfunksional i kontrollit të zjarrit, produkt i teknologjisë së fundit.
Sistemi mund të menaxhojë njëkohësisht angazhimet ajër-ajër dhe ajër-tokë ndërsa me aftësinë e tij e drejtimit të raketave Beyond Visual Range (BVR) krijon një ndikim si ‘ndryshues i lojës’ në luftimet moderne ajrore.
MURAD 100-A ofron performancë superiore të perceptimit dhe ndjekjes me aftësitë e tij të brezit të gjerë të frekuencës dhe drejtimit elektronik të rrezes me azimut ngjitje. I pajisur me teknologjinë e amplifikatorit të fuqisë GaN (Galium Nitride), radari ofron efikasitet të lartë, mund të gjurmojë me saktësi objektiva të shumëfishta njëkohësisht falë aftësisë së tij të formimit dixhital të rrezes (digital beam forming), raportojnë mediat turke.