Kryetari i Drenasit, Ramiz Lladrovci, ka folur për raportet e tij me ish-presidentin Hashim Thaçi, duke hedhur poshtë pretendimet për kërcënime apo shantazhe ndaj tij përmes audio-incizimeve me Adem Jasharin.
Lladrovci, shpjegoi se nuk bëhet fjalë për video, por për audio incizim, duke shtuar se në të ka biseda për luftën, dhe nuk vendos ai për t’i publikuar, por familja Jashari, me çrast shton se kjo arkiv nuk është kërcënim për askënd.
“Deri ditën që u vra, kam komuniku me Lulzim Jasharin, por kur kom thirrë unë kam fol me djalin e Adem Jasharit, edhe kurdo qe kem fol e kem incizu, për luftën komunikim. Familja Jashari vendosin a me qitë a jo”, tha Lladrovci në RTK.
“S’jam i thirrur me i qit apo mos me i qit por dikush i keqputon këto edhe thotë e ka për këtë e ka për atë, nuk është për atë as për këtë, kemi fol për luftën, për organizimin, për njerëz, për emra, për gjithçka, dhe nuk janë me interes për publikun. Është shpifje me ta qitë këmbën me i thy hun t”, shtoi ai.
