“Qendra e Mjekësisë Familjare e re gati për qytetarët”, kështu ka njoftuar kandidati i LDK-së për kryetar të komunës së Fushë Kosovës, Besnik Osmani.
“Komuna me një investim prej 550,000 euro dhe një hapësirë prej 1,120 m² ka përfunduar edhe një tjetër projekt të rëndësishëm në sektorin e shëndetësisë”, ka thënë ai.
Osmani gjithashtu njoftoi se nga java e ardhshme, banorët e zonës së rrugës “Tahir Zemaj” do të marrin kujdesin shëndetësor pranë shtëpive të tyre.