Arrestohet 23-vjeçari në Prishtinë, dyshohet për shtatë raste të vjedhjeve

Policia e Kosovës ka arrestuar një 23-vjeçar në Prishtinë, i cili dyshohet për përfshirje në shtatë raste të vjedhjeve në kryeqytet.

Sipas njoftimit të Policisë, arrestimi është realizuar të dielën, më 8 nëntor, pas një pune intensive hetimore dhe operacionale nga Sektori i Hetimeve të Kryeqytetit.

I dyshuari është identifikuar me inicialet V.H., 23 vjeç, shtetas i Republikës së Kosovës.

Pas intervistimit, me vendim të prokurorit të shtetit, i dyshuari është dërguar në mbajtje.

Policia nuk ka dhënë hollësi të tjera lidhur me rastet e vjedhjeve për të cilat dyshohet i arrestuari