Sot shënohen 27 vjet nga masakra në fshatin Bukosh të Suharekës, ku më 3 maj 1999 u vranë 25 civilë të pafajshëm.
Me rastin e përvjetorit, familjarë, përfaqësues institucionalë dhe qytetarë kanë zhvilluar homazhe për të nderuar kujtimin e viktimave të kësaj ngjarjeje tragjike, e cila mbetet një nga plagët më të rënda të luftës në Kosovë.
Të pranishmit kanë vendosur kurora lulesh dhe kanë mbajtur një minutë heshtje në nderim të martirëve, duke rikujtuar dhimbjen dhe sakrificën e tyre.