Kandidati për deputet nga Aleanca për Ardhmërinë e Kosovës, Besnik Tahiri i cili mban numrin 2 në list ka theksuar angazhimin e AAK-së në mbrojtjen dhe fuqizimin e familjes si institucion themelor të shoqërisë, shkruan GazetaDemos.
“Sa më e shëndetshme dhe më e fuqishme të jetë familja, aq më i fortë është shteti, aq më e qëndrueshme shoqëria dhe aq më i sigurt kombi ynë”, u shpreh ai.
Tahiri tha se për Aleancën çdo politikë serioze fillon dhe mbaron me mbrojtjen, fuqizimin dhe dinjitetin e familjes.
Postimi i plotë:
Familja ka qenë gjithmonë shtylla më e fortë e shoqërisë sonë, duke përballuar sfida të rënda përgjatë gjithë historisë.
Aleanca angazhohet që ta mbrojë dhe fuqizojë familjen si institucion themelor të shoqërisë, përmes politikave konkrete që mbështesin familjet e reja, lehtësojnë jetën e përditshme dhe krijojnë kushte reale që të rinjtë ta ndërtojnë të ardhmen këtu, në vendin e tyre. Një shoqëri e fortë fillon nga një familje e fortë.
Sa më e shëndetshme dhe më e fuqishme të jetë familja, aq më i fortë është shteti, aq më e qëndrueshme shoqëria dhe aq më i sigurt kombi ynë.
Për Aleancën çdo politikë serioze fillon dhe mbaron me mbrojtjen, fuqizimin dhe dinjitetin e familjes.
