Ministrja e Jashtme Olta Xhaçka mori pjesë në takimin e Ministrave të Jashtëm të NATO-s të mbajtur në Oslo, ku dhe ka folur për çështjen e Kosovës.
Ajo shkruan se ka rikonfirmuar mbështetjen për trupat e KFOR, teksa shton se në takim u diskutua për samitin e ardhshëm që do të mbahet në Vilnius, mbi mënyrat për të forcuar mbrojtjen transatlantike dhe mbështetjen e Aleancës për Ukrainën.
“Të bindur se anëtarësimi i Suedisë në NATO do të forcojë Aleancën dhe sigurinë e Europës në tërësi. Mirënjohje për kontributin e NATO-s në ruajtjen e sigurisë në rajonin tonë. Rikonfirmova mbështetjen tonë të plotë për trupat e KFOR dhe dënimin e sulmeve të dhunshme të paprovokuara në veri të Kosovës. Dialogu i lehtësuar nga BE është mënyra e vetme për të ecur përpara”, shprehet Xhaçka në një postim në Twitter.
1/2📍Oslo,@NATO #ForMin mtg to discuss Vilnius NATO Summit,ways to strengthen the transatlantic defence & Allied support for #Ukraine.Firmly convinced that Sweden membership to NATO will strengthen the Alliance & the security of #Europe as a whole.#WeAreNATO#StrongerTogether pic.twitter.com/zb2b1ALKHW
— Olta Xhaçka🇦🇱 (@xhacka_olta) June 1, 2023