Futbollisti portugez Ruben Neves ka reaguar ashpër ndaj revistës portugeze TV Guia, e cila publikoi një artikull ku aludohej për një lidhje të mundshme mes tij dhe Rute Cardoso, bashkëshortes së ndjerë të Diogo Jotës.
Në ballinën e revistës, titulli shkruante: “Ruben Neves dhe Rute të bashkuar pas vdekjes. Si mbështetet e veja e Diogo Jotës te miku i tij më i ngushtë.”
Kjo përmbajtje shkaktoi një valë reagimesh në rrjetet sociale. Një përdorues i rrjeteve komentoi:
“Po të isha në vend të tyre, do ta padisja këtë revistë të ndyrë. Një tufë idiotësh që nuk respektojnë asgjë.”
Lajmi u bë viral, duke u shpërndarë mbi një milion herë.
Ruben Neves, i martuar prej më shumë se 11 vitesh me Debora Lourenço, reagoi përmes një postimi në Instagram:
“Gjithmonë kam besuar në të mirën te njerëzit. Më është thënë të mos e bëj këtë, kam gabuar. Nuk ia dëshiroj të keqen askujt. Personi që vendosi këtë fotografi në ballinë nuk meriton të jetë i lumtur, sikurse kjo zgjedhje nuk ishte e lumtur. Unë dhe gruaja ime kemi një familje të shëndoshë dhe të lumtur. Kemi bërë më të mirën për të ndihmuar Ruten dhe familjen e saj.”
Ai përfundoi: “Zgjedhja e kësaj fotografie është po aq fatkeqe sa edhe ai që e ka përzgjedhur dhe ai që e ka publikuar.”
Ky reagim vjen pas tragjedisë ku Diogo Jota dhe vëllai i tij humbën jetën në një aksident tragjik në Spanjë.
