Sa kushtojnë biletat për finalen e Kupës së Botës? FIFA publikon shifrat

FIFA ka njoftuar më herët se, me aplikimin e sistemit të çmimeve dinamike, biletat për finalen e Kupës së Botës 2026 mund të arrijnë deri në 5,910 euro (rreth 6,730 dollarë).

Megjithatë, çmimet pritet të luhaten gjatë fazave të ndryshme të shitjes dhe shpërndarjes së biletave. Sipas vlerësimeve, çmimi i biletave për finalen që do të zhvillohet në stadiumin MetLife Stadium mund të variojë nga 1,783 deri në 6,915 euro (2,030 – 7,875 dollarë).

Çmimet ndryshojnë edhe sipas kategorisë së ulëseve:

Kategoria 1: Biletat më të shtrenjta, të vendosura në pjesën e poshtme të stadiumit.

Kategoria 2: Përfshin ulëse në nivelet e sipërme dhe të poshtme, jashtë zonave të Kategorisë 1.

Kategoria 3: Kryesisht në nivelin e sipërm të stadiumit, jashtë Kategorive 1 dhe 2.

Kategoria 4: Biletat më të lira, të vendosura në pjesën e sipërme të stadiumit, raporton The Goal

Ndërkohë, në platformat e rishitjes së biletave, si StubHub, tifozët mund të sigurojnë bileta për finalen e Kupës së Botës 2026 me çmime që nisin nga 6,401 euro (7,291 dollarë) e lart.

Finalja e Kupës së Botës FIFA 2026 do të zhvillohet më 19 korrik 2026 në stadiumin MetLife në New Jersey të Shteteve të Bashkuara të Amerikës.