Kroacia sonte pësoi humbjen më të thellë në historinë e saj.
Rezultati 0-7 ndaj Anglisë, do të mbetet gjatë në kujtesën e tifozëve kroat të cilët ende mbetën të shokuar me atë çka ndodhi në Rijeka.
Pas ndeshjes foli edhe kapiteni i “Vatrenit”, Luka Modric i cili u shpreh i sinqertë duke thënë se ndjehet i turpëruar.
“Është e vështirë të gjesh një shpjegim për një performancë të tillë pa duele, faulle, agresivitet, bashkim… Kam qenë këtu për 20 vjet, por për herë të parë ndihem i turpëruar pas një ndeshjeje! Mund të humbasësh, dikush është më i mirë, është më i mirë në këtë moment, por të humbasësh kështu dhe të prishësh reputacionin që kemi fituar gjatë viteve është e papranueshme! Ndihem shumë i turpëruar”, deklaroi Modric.
Kroacia, ndeshjen e radhës do ta zhvillojë ndaj Spanjës të mërkurën në Split.
