Mbyllen pjesët e para të çerekfinales të Ligës së Kampionëve

Pjesa e parë e çerekfinales mes Barcelonës dhe Atletico Madridit u mbyll me një dominim dramatik të madrilenëve në minutat e fundit, duke lënë katalanasit në një situatë kritike.

Ndeshja nisi me një gol të anuluar të Marcus Rashfordit që në minutën e parë, por tensioni u rrit kur Pau Cubarsi u ndëshkua me karton të kuq në minutën e 42-të pas rishikimit me VAR, duke detyruar Barcelonën të luajë me dhjetë lojtarë.

Atletico përfitoi menjëherë nga epërsia numerike, me Julian Alvarez që shënoi golin e avantazhit 1-0 në minutën e 44-të. Përkundër humbjes së David Hancko-s për shkak lëndimi, ekipi i Diego Simeones shkon në pushim me rezultat dhe lojtar më shumë në fushë, ndërsa Barcelona duhet të gjejë një mënyrë për të mbijetuar në pjesën e dytë pa një nga mbrojtësit kryesorë.

Kurse në anën tjeter luajnë PSG kundër Liverpool në “Parc de Princes”

Lexo po ashtuBersant Celina po shkëlqen në SuediPjesa e parë në ” Parc de Princes ” u mbyll me avantazhin minimal 1-0 të PSG-së, falë një goli të rrufeshëm të Désiré Doué që në minutën e parë, pas një depërtimi fantastik individual.

Parisienët dominuan totalisht 45-minutëshin e parë dhe rezultati mund të ishte shumë më i thellë, por portieri i Liverpool-it, Giorgi Mamardashvili, u bë protagonist me disa pritje spektakolare ndaj goditjeve të Doué, Kvaratskhelia-s dhe Ousmane Dembélé-së.