Sulmuesi i njohur francez, Kylian Mbappe, ka zbuluar një nga momentet më të vështira të karrierës së tij, duke treguar se pas Euro 2020 kishte menduar seriozisht të largohej nga kombëtarja e Francës.
Në një rrëfim të fundit, gjatë podcastit ”The Bridge”, të drejtuar nga Aurelien Tchouameni, ylli i Francës e përshkroi si “shumë brutal” takimin që pati me ish-presidentin e Federatës Franceze të Futbollit, Noël Le Graët. Sipas tij, biseda ishte e drejtpërdrejtë dhe e ashpër, duke lënë pak hapësirë për mirëkuptim apo mbështetje emocionale
E gjitha kishte të bënte me penalltin që humbi në ndeshjen ndaj Zvicrës, në vitin 2021, ku përjetoi fyerje të mëdha raciste.
“Fillova të më quanin majmun. Mendova me vete: ‘Për mua, përzgjedhja është në majë të listës, dhe unë i vendos njerëzit në majë të listës, të cilët të vendosin në fund të listës nëse nuk shënon.’ Kjo e ndryshoi shumë marrëdhënien time me përzgjedhjen.
“Thashë se nuk doja të kthehesha, pata një takim me Noël Le Graët. I thashë: ‘Nuk do të luaj më’. Mendova me vete: ‘Po luaj për njerëz që mendojnë se jam majmun nëse nuk shënoj. Nuk mund të luaj për njerëz të tillë’. Kjo është arsyeja pse arrita në këtë pikë. Thashë: ‘Nuk dua të luaj më, do të kthehem në Paris, nuk kam asnjë problem atje’. Noël Le Graët më tha: ‘A mendon se do të dalësh nga zyra në atë mënyrë dhe unë do të them po?’ Ai më tha ta harroja,” shpjegoi Mbappe.”
