Anthony Gordon ka nisur në mënyrë shumë pozitive aventurën e tij te Barcelona, duke lënë përshtypje të mira si te tifozët, ashtu edhe brenda dhomës së zhveshjes.
Sulmuesi anglez, i cili ishte përforcimi i parë veror i katalanasve, ka arritur tashmë të fitojë simpatinë e publikut në “Camp Nou”, ku tifozët kanë nisur edhe t’ia këndojnë emrin.
Megjithatë, një gjë ende mungon në fillimin e tij të mirë me fanellën blaugrana: goli i parë zyrtar.
Duke folur për mediat e klubit, Gordon u shpreh shumë i kënaqur me ambientimin e tij në Barcelonë.
“Jam jashtëzakonisht i lumtur. Po kënaqem duke njohur bashkëlojtarët dhe stafin teknik. Jam ndier shumë i mirëpritur që nga momenti i parë”, deklaroi anglezi.
Marc Bernal, lojtari që e ka befasuar më shumë
Gordon zbuloi gjithashtu se Marc Bernal është futbollisti që e ka befasuar më së shumti gjatë punës së përditshme në stërvitje.
Talenti i ri i Barcelonës ka lënë përshtypje të fortë te anglezi me cilësitë dhe mënyrën e tij të lojës.
Kur u pyet për idhullin e tij në futboll, përgjigjja e Gordon ishte e qartë: Steven Gerrard.
Edhe pse e nisi karrierën profesioniste me Evertonin, Gordon më herët kishte kaluar edhe në sistemin e të rinjve të Liverpoolit, klub me të cilin Gerrard është identifikuar gjatë pjesës më të madhe të karrierës së tij.
Rituali para ndeshjeve dhe jeta jashtë futbollit
Gordon zbuloi edhe disa detaje personale rreth rutinës dhe interesave të tij jashtë fushës.