Skitarët Kiana Kryeziu dhe Drin Kokaj do ta përfaqësojnë Kosovën në Lojërat Olimpike Dimërore Milano Cortina 2026.
Kryeziu ka përmbushur kriteret bazë të kualifikimit në tri disiplina të skijimit alpin: sllallom, sllallom të madh dhe super sllallom të madh, disiplina në të cilat do të garojë në Milano Cortina.
Ndërkohë, Drin Kokaj ka siguruar kualifikimin për të përfaqësuar Kosovën në sllallom. Në garë për kualifikim ishin edhe Lirika Deva, e cila plotësoi kriteret në sllallom dhe sllallom të madh, si dhe Vokshi në sllallom të madh.