Harry Kane pati një nga sezonet e tij më të mira në karrierë.
Me Bayernin e tij, ai theu çdo rekord duke shënuar plot 73 gola në sezonin që lamë pas dhe arriti të fitonte “Këpucën e Artë” në Bundesliga dhe Evropë.
Këto statistika atë e bëjnë edhe favorit për të fituar edhe “Topin e Artë” të këtij viti, mirëpo anglezi tha se kjo nuk është në duart e tij.
“Është çmimi më i madh që mund të fitosh. Topi i Artë nuk është në duart e mia”. “Kam bërë çmos për sa i përket performancës. Sigurisht, do të ishte fantastike nëse ndodh. Por në fund të fundit, ka ende 2-3 muaj derisa të merret një vendim”, deklaroi Kane.
Kane, po ashtu arriti të fitonte titullin e Bundesligës si dhe Kupën e Gjermanisë, teksa pati sukses edhe me Anglinë ku arriti të fitonte medaljen e bronztë në Botërorin 2026
