Harry Kane heroi i Anglisë – “Tre Luanët” fitojnë me rikthim ndaj Kongos dhe kualifikohen tutje në Kupën e Botës

Anglia ka arritur ta mposht Republikën Demokratike të Kongos me rezultat 2-1, pas një rikthim sensacional në pjesën e dytë, në takimin e vlefshëm për 1/16 e finales në Kupën e Botës.

Ndeshja nisi mirë për kongolezët që realizaun pas vetëm shtatë minutash në rastin e parë të tyre me anë të Cipengas

Pas golit Anglia mori iniciativën dhe kërkoi golin e barazimit. Fillimisht, rrezikoi Jude Bellingham me një goditje me kokë në minutën e 30-të, por gjuajtja e tij u ndal nga portieri Mpasi-Nzau.

Pesë minuta më vonë, Marcus Rashfordi pati një mundësi të artë shënimi por godijta e tij u ndal nga vija e portës nga mbrojtësi i Kongos, Aron Ëan-Bissaka.

Tre minuta para fundit të pjesës së parë, Kongo pati rast të artë me Ëissan i cili goditi shtyllën.

Në minutën e 44-të, Harry Kane protestoi u rrëzua në zonë dhe kërkoi penallti, mirëpo i të njëjtit mendim nuk ishin gjyqtari kryesor, por as VAR-i.

Anglia nuk i ndali sulmet dhe pati një tjetër rast të mirë me Bellinghamin, por goditja e tij u ndal sërish nga portieri.

Krejt në fund, portieri Mpasi-Nzau i mohoi golin edhe Harry Kane, i cili goditi mjaft mirë por sërish pa sukses.

Edhe pjesa e dytë ishte e njëjtë, me dominim të Anglisë por kësaj radhe raste u konkretizuan në gola. Por para realizimeve, “Tre Luanët” humbën raste me bollëk.

Marcus Rashford në minutën e 51-të humbi një rast të mirë, ku goditja e tij shkoi jashtë portës.

Kombëtarja angleze u desh të presin deri në minutën e 75-të, kur goladori i skuadrës, Harry Kane barazoi rezultatin në 1-1.

Kurse 11 minuta më vonë, me një eurogol, Harry Kane shënoi golin e dytë personal dhe i dha epërsinë për herë të parë Anglisë sonte.

Deri në fund nuk pati gola tjerë dhe Anglia siguroi fitoren dhe kualifikimin tutje kurse Kongo eliminohet nga Kupa e Botës.

Në 1/8 e finales, Anglia do të përballet me Meksikën