Noah Okafor ka njoftuar tërheqjen nga Kombëtarja e Zvicrës për aq kohë sa Murat Yakin të jetë trajner. Sulmuesi 26-vjeçar e bëri të ditur vendimin përmes një postimi në Instagram, ku foli për mungesë besimi dhe trajtim të padrejtë nga stafi teknik.
Okafor theksoi se vendimi i tij nuk lidhet me minutat e lojës, por me marrëdhënien me trajnerin. Ai nuk e ka përjashtuar një rikthim në të ardhmen, por ka bërë të qartë se nuk dëshiron të luajë për Zvicrën nën drejtimin e Yakin.
Postimi i tij mori mbështetje nga kapiteni i Zvicrës, Granit Xhaka, i cili komentoi me një zemër të kuqe. Edhe Nico Elvedi reagoi në të njëjtën mënyrë, ndërsa disa ish-bashkëlojtarë të Okaforit, përfshirë Ruben Vargas, Ricardo Rodriguez, Johan Manzambi dhe Denis Zakaria, e pëlqyen postimin.
