Egnatia nuk ka arritur të marrë avantazh në ndeshjen e parë të “play-off”-it të Ligës së Evropës, duke barazuar 0-0 me Lillestromin në Rrogozhinë.
Kampionët e Shqipërisë zhvilluan një duel të fortë dhe të luftuar, por mungesa e golit bën që kualifikimi të mbetet plotësisht i hapur.
Tani skuadra e Nevil Dedës duhet të kërkojë rezultatin e duhur në transfertë. Ndeshja e kthimit do të zhvillohet javën e ardhshme në Norvegji, ku Egnatia do të synojë një rezultat që do ta dërgonte më tej në Ligën e Evropës.
Rrogozhinasit, të shpallur kampionë të Shqipërisë në tri sezonet e fundit, e kanë të siguruar pjesëmarrjen në fazën e ligës së Ligës së Konferencës, por synimi mbetet një kualifikim më prestigjioz.
Pas 90 minutave të para, asgjë nuk është vendosur dhe Egnatia do të kërkojë të shkruajë historinë në Norvegji.
