Të paktën 50 persona kanë humbur jetën, shumica prej tyre fëmijë, pasi një varkë që transportonte punëtorë të bujqësisë u përmbys në veriperëndim të Nigerisë.
Aksidenti ndodhi të enjten në mëngjes në zonën Goronyo, në shtetin Sokoto, ndërsa ekipet e emergjencës po vazhdojnë kërkimet për trupat e viktimave, raporton Sky News
Abdulkadir Yusuf, zyrtar i Autoritetit Kombëtar të Rrugëve Ujore, tha se deri tani janë gjetur 40 trupa të fëmijëve. Numri i personave që ndodheshin në varkë nuk është konfirmuar, por vlerësimet variojnë nga 57 deri në 80 persona.
