Shefi i OKB-së për planin izraelit mbi Gazën: Përshkallëzim i rrezikshëm dhe katastrofik

The Guardian shkruan se në deklaratën e bërë publike nga zëdhënësi i tij, thuhet se ky vendim “do të sjellë zhvendosje të detyruar shtesë, vrasje dhe shkatërrim masiv, duke e shtuar edhe më tej vuajtjen e paimagjinueshme të popullatës palestineze në Gaza.”

Guterres e përsëriti qëndrimin e tij edhe në një postim në rrjetin X : “Jam thellësisht i alarmuar nga vendimi i qeverisë izraelite për të ‘marrë kontrollin e qytetit të Gazës’. Ky është një përshkallëzim i rrezikshëm dhe rrezikon të thellojë pasojat tashmë katastrofike për miliona palestinezë. Mund të vërë në rrezik edhe më shumë jetë, përfshirë ato të pengjeve që ende mbahen. E përsëris thirrjen time urgjente për një armëpushim të përhershëm, akses të pakufizuar humanitar në të gjithë Gazën dhe lirimin e menjëhershëm dhe pa kushte të të gjithë pengjeve.”

I'm gravely alarmed by the decision of the Israeli Government to "take control of Gaza City". This marks a dangerous escalation & risks deepening the already catastrophic consequences for millions of Palestinians. It could further endanger more lives, including of the remaining… pic.twitter.com/nHxXTWNaFn

Deklarata e Guterres vjen pasi komisioneri i lartë për të drejtat e njeriut në OKB, Volker Türk, deklaroi më herët gjatë ditës se “ plani i qeverisë izraelite për një pushtim të plotë ushtarak të Rripit të Gazës të pushtuar duhet të ndalet menjëherë”.

Në deklaratën e tij, Türk theksoi: “Ky plan bie ndesh me vendimin e Gjykatës Ndërkombëtare të Drejtësisë, e cila kërkon që Izraeli t’i japë fund pushtimit sa më shpejt të jetë e mundur, me zbatimin e zgjidhjes me dy shtete dhe me të drejtën e palestinezëve për vetëvendosje.”

Plani izraelit ka shkaktuar reagime të ashpra në arenën ndërkombëtare, me Kinën, Turqinë, Britaninë dhe qeveri të shumta arabe që kanë shprehur shqetësimin e tyre përmes deklaratave zyrtare.