Prifti italian strehon turistët nga protestuesit e dhunshëm, më pas ua kthen gishtin e mesëm të rinjve të maskuar
Një prift katolik në Milano të Italisë, Giannicola Maria Simone, është vlerësuar për reagimin e tij gjatë protestave të dhunshme, pasi hapi dyert e kishës për të strehuar turistë dhe kalimtarë që po përpiqeshin t’u shpëtonin trazirave.
Sipas gazetës italiane Corriere della Sera, prifti 65-vjeçar i futi njerëzit brenda kishës Sant’Alessandro di Zebedia dhe i mbajti aty derisa situata u qetësua.
“Shumë njerëz po iknin nga të dhunshmit dhe unë i futa të gjithë brenda. Nuk ishin besimtarë, por turistë dhe kalimtarë të tjerë”, ka rrëfyer Simone.
