Policia arreston dy persona për vrasjen e Renis Dobrës, dy të tjerë në kërkim

Ata dyshohen se në mbrëmjen e 8 korrikut e morën peng viktimën, dhe më pas e mbytën me litar dhe e hodhën në Liqenin e Shkopetit.

Policia e Shtetit në një konferencë për media ka bërë të ditur se në kërkim janë shpallur edhe të dyshuar tjerë për vrasjen.

Dy të dyshuarit tjerë janë Kristi dhe Aleksandër Bushgjokaj, vëllezër të Faton Bushgjokës, njërit prej të arrestuarve.

“Gjatë operacionit, shërbimet e Drejtorisë së Forcës së Posaçme Operacionale në Policinë e Shtetit arrestuan 2 nga autorët e dyshuar të vrasjes së shtetasit R. D”.

“Ndërkohë, grupi hetimor i DVP Dibër vijon punën për kapjen e 2 autorëve të tjerë, të shpallur në kërkim”, thuhet në njoftimin e Policisë së Shtetit.