Kërcënim për vrasje, djali i Netanyahut largohet urgjentisht nga SHBA drejt Izraelit

Yair Netanyahu, djali i madh i kryeministrit izraelit Benjamin Netanyahu, është kthyer urgjentisht nga SHBA në Izrael pasi shërbimi i inteligjencës së brendshme, Shin Bet, identifikoi një kërcënim serioz ndaj jetës së tij.

Pas vlerësimit të situatës, autoritetet izraelite vendosën evakuimin e tij nga Florida së bashku me ekipin e sigurisë. Burimi dhe natyra e kërcënimit nuk janë bërë publike.

Mediat amerikane kanë raportuar se Yair Netanyahu mund të ketë qenë objektiv i një komploti të dyshuar për vrasje nga Irani në dhjetor të vitit të kaluar. Megjithatë, autoritetet izraelite nuk kanë konfirmuar se kërcënimi i fundit lidhet me Iranin.

Benjamin Netanyahu ka deklaruar më herët se Irani kishte tentuar të shënjestronte një prej djemve të tij.

Yair Netanyahu ka jetuar prej disa vitesh në Florida dhe qëndrimi i tij jashtë Izraelit, ndërsa vendi është përfshirë në luftë dhe ka mobilizuar qindra mijëra rezervistë, ka qenë objekt kritikash në opinionin publik izraelit.

Autoritetet vijojnë hetimet dhe vlerësimin e rrezikut, ndërsa niveli i saktë i kërcënimit ndaj tij dhe familjes Netanyahu mbetet i paqartë