Izraeli lëshon fletëpalosje duke i paralajmëruar banorët e qytetit të Gazës të largohen

Dhjetëra fletëpalosje të bardha janë hedhur nga qielli mbi Qytetin e Gazës sot nga Forcat Mbrojtëse të Izraelit (IDF).

Kryeministri izraelit Benjamin Netanyahu i citon fletëpalosjet si provë kundër akuzave se Izraeli synon civilët në Rripin e Gazës, shkruan BBC.

Duke iu drejtuar OKB-së javën e kaluar, ai tha se Izraeli ka hedhur “miliona fletëpalosje dhe ka dërguar miliona mesazhe” për të bindur njerëzit në Qytetin e Gazës të evakuohen.

Nuk ka pasur asnjë ndalim në ofensivën e zgjeruar tokësore të Izraelit kundër Hamasit, e cila tani është përqendruar kryesisht në Qytetin e Gazës.

Izraeli thotë se qyteti është bastioni i fundit i grupit të armatosur.