I dërguari special i SHBA-së në Siri: Izraeli dhe Siria kanë rënë dakord për armëpushim

I dërguari special i SHBA-së në Siri, Tom Barrack, ka njoftuar mëngjesin e sotëm se Izraeli dhe Siria kanë rënë dakord për një armëpushim pas ndërhyrjes ushtarake të Izraelit këtë javë në luftimet sektare midis forcave qeveritare siriane dhe grupeve të armatosura rivale.

Në një reagim në ‘X’, Barrack shkroi: “Kryeministri Benjamin Netanyahu dhe presidenti sirian Ahmed al-Sharaa ranë dakord për një armëpushim”, pa dhënë detaje të tjera mbi marrëveshjen.

Kryeministri izraelit Benjamin Netanyahu dhe Presidenti sirian Ahmed al-Sharaa, të mbështetur nga Sekretari i Shtetit të SHBA-së, Mark Rubio, ranë dakord për një armëpushim që është mbështetur nga Turqia, Jordania dhe fqinjët e Sirisë.

Në postimin e tij, Barrack shtoi: “Ne u bëjmë thirrje druziëve, beduinëve dhe sunitëve që të ulin armët dhe së bashku me pakicat e tjera të ndërtojnë një identitet të ri dhe të bashkuar sirian – në paqe dhe prosperitet me fqinjët e tyre.” .

Kujtohet se më 19 korrik, Izraeli nisi sulme ajrore në Damask dhe goditi forcat qeveritare siriane në jug, duke kërkuar tërheqjen e tyre. Tel Avivi ka theksuar se po mbron komunitetet druzi në Siri nga sulmet e mundshme.

Ky armëpushim, nëse zbatohet, mund të shënojë një zhvillim të rëndësishëm diplomatik në një konflikt që ka zhvendosur gati 80,000 njerëz në më pak se një javë dhe ka nxjerrë në pah tensionet komplekse sektare që ende shqetësojnë Sirinë.

Ndërhyrja e drejtpërdrejtë ushtarake e Izraelit për të mbrojtur komunitetet druzi në Siri shënon një përfshirje të pazakontë ndërkufitare, që mund të krijojë precedenta për konflikte të ardhshme rajonale që përfshijnë grupet minoritare.