Sudani ka lëshuar një “paralajmërim të kuq” për përmbytje të mundshme në pesë provinca përgjatë lumit Nil, raporton “Newarab”.
Arsyeja për këtë është rritja e nivelit të ujit në dy degët kryesore të atij lumi, Nili i Kaltër dhe Nili i Bardhë. Paralajmërimi, i lëshuar nga Ministria Sudaneze e Ujitjes, ka qenë në fuqi prej dy ditësh. Ministria u bëri thirrje banorëve në provincat Khartum, Lumi Nil, Nili i Bardhë, Senar dhe Nili i Kaltër të jenë të kujdesshëm pasi përmbytjet mund të ndikojnë në shtëpitë e njerëzve dhe tokën bujqësore.
Ministria e ujitjes e Sudanit paralajmëroi se rrjedha e ujit ka qenë e lartë për katër ditë rresht, pasi digat në zonë kanë lëshuar ujë të tepërt. Megjithatë, nivelet e ujit pritet të bien gjatë gjithë javës.
Newarab kujton se në fillim të këtij muaji, Etiopia hapi digën më të madhe në Afrikë, me qëllim stimulimin e zhvillimit ekonomik. Diga prej gati 5 miliardë dollarësh, e vendosur në një degë të Nilit Blu pranë kufirit të Etiopisë me Sudanin, do të gjenerojë më shumë se 5,000 megavat energji elektrike dhe pritet të dyfishojë kapacitetin e prodhimit të energjisë në Etiopi.