Kandidatët e Partisë Demokratike në Shtetet e Bashkuara shënuan edhe disa fitore të mërkurën pasdite, sipas parashikimit të televizionit CNN, duke e çuar në 240 numrin e përgjithshëm të ulëseve të siguruara, ndërsa edhe disa sosh nuk janë shpallur ende si gara të mbyllura.
Në Senat, ku demokratët tashmë kanë fituar 54 ulëse, duke ia marrë shtatë Partisë Republikane, garat në Alaskë dhe Misisipi janë ende të hapura, pasi dallimi në vota është i vogël. Mund të nevojiten disa ditë, madje edhe javë, para se të dalin rezultatet përfundimtare atje, raporton televizioni CNN.
Përderisa të dyja partitë po presin që t’i shohin rezultatet përfundimtare për garat në Kongres, republikanët kanë filluar që t’i gjejnë fajtorët për humbjen, ndërsa demokratët po i paraqesin prioritetet e tyre për periudhën kur të fillojë kontrolli i shumicës së ulëseve në janar.
Me 240 ulëse, demokratët kanë siguruar një shumicë më të madhe se ajo që e mbajnë republikanët tani për tani. Ky numër mund të rritet, pasi miliona vota do të numërohen në mbi 60 gara që ende nuk janë shpallur të mbyllura.
Nënpresidenti i Shteteve të Bashkuara, JD Vance, e fajësoi luftën ne Iranin për performancën e dobët të kandidatëve republikanë në këto zgjedhje.
Presidenti Donald Trump u pajtua me zëvendësin e tij se lufta me Iranin i ka dëmtuar republikanët, por tha se “do t’i duhej ta bënte prapë
