Yllka Kuqi frymëzohet nga Ish Presidentja e Kosovës

Këngëtarja e njohur Yllka Kuqi ka ndarë me ndjekësit e saj disa foto ku shihet me një fustan elegant të verdhë, identik me atë të veshur më parë nga ish-Presidentja e Kosovës, Atifete Jahjaga.

Në përshkrimin e postimit në Instagram, Yllka e quan Jahjagën “presidentja ime e dashur” dhe “mikesha ime e vërtetë”, duke theksuar se ato ndajnë të njëjtin stil, madhësi dhe shpirt.

Ky gjest i veçantë tregon respektin dhe admirimin që këngëtarja ka për figurën e ish-presidentes, duke i dhënë një dimension të ri marrëdhënies së tyre, një lidhje mes grash të fuqishme që frymëzojnë njëra-tjetrën.

Komentet dhe reagimet pozitive nuk munguan, me ndjekës që i quajnë “dy yje” dhe “të bukura brenda e jashtë”.