Këngëtari Labinot Rexha ka rikthyer në vëmendje një prej momenteve më të komentuara të edicionit të katërt të “Big Brother VIP Kosova”, duke publikuar një mesazh në rrjetet sociale drejtuar ish-bashkëbanorit të tij, Ludo Lee.
Përmes një postimi në InstaStory, këngëtari nga Rahoveci ka etiketuar Ludo Lee, duke i kërkuar që t’ia japë shumën prej 100 mijë eurosh, për të cilën dyshja kishin vënë bast gjatë qëndrimit në shtëpinë e BBVK-së.
“Ludo Lee paske me shku në Dubai me ato GAY, por para se me shku, kishte me qenë mirë qato 100 mijë euro me i dhënë. Besa edhe Leonora Jakupi ka garantuar për ty që i jep, ku edhe fjala, besa”, ka shkruar Rexha në postimin e tij.

Ky reagim erdhi pasi Labinoti Haxhiu, në një paraqitje televizive, deklaroi se së bashku me fituesin e BBVK 4, Londrim Mekajn, dhe Ludo Lee, planifikonin të udhëtonin drejt Dubait për pushime.
Por, shuma prej 100 mijë eurosh që këngëtari po ia kërkon Ludos lidhet me një bast të vendosur mes tyre gjatë qëndrimit në shtëpinë e “Big Brother VIP Kosova”.



