Capital T shfaqet në një takim romantik me një vajzë

Në një imazh të postuar mbrëmjen e sotme në rrjetet sociale, reperi Capital T u shfaq i veshur me kostum të zi dhe me një buzëqeshje të lehtë në fytyrë. Përballë tij, një vajzë në të zeza, e cila kishte mbuluar fytyrën me një zemër të kuqe ku shkruhej “Date night”.

Fotoja, e realizuar në një ambient të ngrohtë e të ndriçuar me drita të buta, ka tërhequr menjëherë vëmendjen e publikut. Nga pamja e publikuar, vajza në fjalë nuk duket të jetë Adrola Dushi, për të cilën prej vitesh është spekuluar si e dashura e Capital T.

Për momentin, artisti nuk ka dhënë asnjë koment për identitetin e vajzës apo për natyrën e mbrëmjes, duke lënë gjithçka të mbështjellë me një dozë misteri.

Fotoja, megjithatë, ka krijuar përshtypjen e një “date night” të menduar me kujdes — elegante, intime dhe plot stil, njësoj si vetë imazhi që reperi ka ndërtuar ndër vite.