Pesë vetura janë përfshirë nga zjarri sot në fshatin Vlashnje të Prizrenit.
Rastin e ka konfirmuar zëdhënësi i Policisë së Kosovës për rajonin e Prizrenit, Shaqir Bytyqi.
Bytyqi ka bërë të ditur se Policia ka identifikuar një person të dyshuar për shkaktimin e zjarrit, ndërsa rasti është iniciuar për veprën penale “Shkaktimi i rrezikut të përgjithshëm”.
“Sot, më 09.09.2026, rreth orës 13:00, Policia ka pranuar informatën se në fshatin Vlashnje, Prizren është shkaktuar një zjarr. Menjëherë në drejtim të vendit të ngjarjes kanë dalë njësitet policore dhe ekipet e zjarrfikësve. Pas intervenimit të zjarrfikësve, zjarri është lokalizuar dhe shuar. Si pasojë e zjarrit, pesë vetura janë përfshirë nga zjarri dhe janë dëmtuar”, ka deklaruar Bytyqi.
Sipas tij, personi i dyshuar është identifikuar dhe, pas konsultimit me prokurorin kujdestar, është iniciuar rasti.
“Pas intervistimit, i dyshuari është liruar në procedurë të rregullt, ndërsa rasti mbetet nën hetime”, ka thënë Bytyqi.
