Kryetari i Prishtinës, Përparim Rama, ka reaguar lidhur me situatën e krijuar në Kuvendin e Kosovës.
Ai e ka cilësuar si “papërgjegjësi të rëndë institucionale”, teksa kërkoi nga Qeveria në detyrë respektimin e Kushtetutës dhe funksionalizimin e institucioneve.
Rama gjithashtu pati kritika të drejtpërdrejta ndaj kryeministrit në detyrë, Albin Kurti, duke kërkuar përgjigje për zvarritjen e konstituimit të Kuvendit teksa e akuzoi se institucionet po përdoren për kalkulime politike.
PostimI i plotë:
KOSOVA NUK ËSHTË PRONË E ALBIN KURTIT. KUSHTETUTA NUK ËSHTË MJET PËR MANIPULIME POLITIKE!
Të dashur qytetarë,
Ajo që po shohim në Kuvendin e Republikës së Kosovës është papërgjegjësi e rëndë institucionale dhe një lojë e rrezikshme me funksionimin e shtetit.
Afatet po kalojnë. Kuvendi mbetet i pakonstituuar. Institucionet po mbahen në bllokadë, ndërsa Albin Kurti vazhdon me kalkulime për pushtet.
Kushtetuta e Republikës së Kosovës nuk funksionon sipas nevojave politike të një partie. Afatet kushtetuese nuk presin derisa Albin Kurti t’i bëjë numrat. Kuvendi nuk mund të shndërrohet në instrument pazari për Presidentin, Qeverinë apo për mbijetesën politike të askujt.
SHTETI ËSHTË MBI PARTINË!
Albin Kurti duhet t’u përgjigjet qytetarëve:
Pse po mbahet peng konstituimi i Kuvendit?
Pse institucionet e Republikës po përdoren për kalkulime politike?
Deri kur do të prodhoni kriza vetëm pse nuk i keni numrat për pushtetin që kërkoni?
Kush ua ka dhënë të drejtën ta trajtoni Republikën e Kosovës sikur të ishte pronë e partisë suaj?
Kur i kanë numrat, flasin për demokraci.
Kur nuk i kanë, prodhojnë bllokadë.
Kur u konvenon Kushtetuta, e citojnë.
Kur nuk u konvenon, kërkojnë kohë dhe arsyetime.
Mjaft!
Me keqardhje po i shohim edhe skenat e sotme në Kuvend, ku deputetja Time Kadrijaj hodhi vezë në drejtim të Albin Kurtit.
