Kandidati për kryetar të Komunës së Suharekës nga radhët e LDK-së, Ardian Shala, së bashku me ekipin e tij dhe kandidatët për Asamblenë Komunale, zhvilloi sot një takim me banorët e fshatrave Mohlan, Çadrak, Vërshec dhe Krushicë e Ultë, shkruan GazetaDemos.
Takimi u mbajt në shkollën lokale, ku Shala prezantoi programin e tij “ASHE”, duke vënë theksin në zhvillimin e bujqësisë, përmirësimin e infrastrukturës dhe përfshirjen aktive të qytetarëve në vendimmarrje.
Ndër projektet që ngjalli interes të veçantë ishte “Bjeshka dhe Qyteti”, një iniciativë që synon të krijojë lidhje më të forta mes zonave rurale dhe qytetit përmes zhvillimit ekonomik dhe promovimit të turizmit lokal.