Xhafer Tahiri: Arsimi në Vushtrri do të udhëhiqet nga profesionistë, ja plani ynë 4-vjeçar

Kandidati i LDK-së për kryetar të Vushtrrisë, Xhafer Tahiri, ka takuar sonte mësimdhënësit dhe veteranët e arsimit, të cilëve u ka shprehur mirënjohjen për kontributin e tyre shumëvjeçar në ndërtimin e brezave të rinj.

Gjatë këtij takimi, Tahiri ka dhënë një zotim të qartë: “Në qeverisjen time, drejtori i Arsimit në Vushtrri do të jetë gjithmonë nga fusha e arsimit. Profesionalizmi dhe përvoja do të jenë kriteret kyçe në udhëheqjen e këtij sektori jetik.”

I plotë:

Takova sonte mësimdhënësit e veteranët e Arsimit të Vushtrrisë. I falëmderova për punën e tyre, u zotova para tyre se në qeverisjen time nuk do të ndodhë që Drejtori i Arsimit të mos jetë nga fusha e arsimit.

Plani ynë në 4 vitet e ardhshme në arsim është:

Mësim tërë ditor

Qerdhe publike në 5 fshatra

Subvencionim i çmimit për fëmijët në çerdhe private

– Mensa Qëndrore për përgatitjen e ushqimit për nxënës

– Dyfishim i bursave për studentë

– Asistent për nxenesit me nevoja të veçanta

– Mbulim i shpenzimeve të logopodeit dhe psikologut për të gjithë femijët e Vushtrrisë