“VV ka marrëveshje në parim me Listën Serbe dhe Nismën”, Brahimaj: S’kam vota për Limajn

Para fillimit të seancës së 49-të për konstituimin e Kuvendit të Kosovës, ka folur deputeti i Aleancës për Ardhmërinë e Kosovës (AAK), Lahi Brahimaj, i cili ka akuzuar Lëvizjen Vetëvendosje për marrëveshje të fshehta me parti të tjera.

“Ata (VV) kanë në parim marrëveshje edhe me Listën Serbe, edhe me Limajn. Siç e shihni pas çdo seance të përfunduar, VV-ja, Nisma e Lista Serbe e lëshojnë sallën, ndërsa ish-opozita qëndron”, ka deklaruar ai.

Brahimaj është shprehur se nuk ka vota për kandidaturën e Fatmir Limajt për kryetar të Kuvendit, duke kujtuar një marrëveshje paraprake me të.

“Nuk kam vota për Limajn. Nuk do të ishte fer sepse ne kishim marrëveshje para zgjedhjeve me të. Limaj ka marrëveshje në parim me Kurtin. Ne i kemi dhënë propozimet tona”, u shpreh Brahimaj.