Drejtori i Institutit të Kosovës për Drejtësi (IKD), Ehat Miftaraj, ka reaguar lidhur me rastet e fundit të vrasjeve dhe gjendjen politike në vend.
Miftaraj ka përmendur vrasjen e një gruaje shtatzënë, një gruaje 80-vjeçare dhe një 15-vjeçari, duke kritikuar institucionet për situatën e krijuar.
“E kanë kthyer jetën në kronikë të zezë, ku jeta e njeriut vlen vetëm një votë në ditën e zgjedhjeve”, ka shkruar Miftaraj.
Ai ka kritikuar edhe qeverisjen dhe institucionet e vendit, duke përmendur, siç i quan ai, “qeveri të kundërligjshme”, “president kundërkushtetues” dhe deputetë që, sipas tij, nuk po e kryejnë punën e tyre.
