Ministri i Mbrojtjes së Shqipërisë, Pirro Vengu, ka deklaruar se Kosova duhet të anëtarësohet në Kartën e Adriatikut, duke e cilësuar këtë si domosdoshmëri strategjike.
Nga Sarajeva, ku po merr pjesë në Ministerialin e Kartës së Adriatikut, ai theksoi se rajoni ende përballet me sfida dhe kërcënime që kërkojnë qasje të përbashkët.
“Ballkani Perëndimor ka ende shumë sfida të trashëguara dhe kërcënime të reja, të cilat kërkojnë partneritet më të ngushtë, investime në kapitalin njerëzor, në mbrojtje kibernetike, në industri, në pajisje dhe sisteme të përbashkëta”, u shpreh ministri.