Ka vdekur profesori i Kimisë nga Peja Dr. Sadik Berisha, shkruan Gazeta Demos.
Lajmin për vdekjen e tij e kanë bërë të ditur familjarët e të ndjerit kështu duke njoftuar se ai vdiq pasi u përballl me një sëmundje të rëndë.
Në njoftimin e familjes thuhet se mbledhja komemorative mbahet nesër në ora 12:00 në Asamblenë Komunale të Pejës Varrimi i të ndjerit bëhet nesër në ora 15:00, në varrezat e qytetit të Pejës.
Njoftimi i plotë:
Me dhimbje të thellë dhe zemra të thyera njoftojmë familjarët, miqtë dhe dashamirët se më i dashuri ynë, Prof. Sadik Sh. Berisha u nda nga jeta në moshën 68-vjeçare, pas një sëmundjeje të rëndë me të cilën luftoi me forcë, durim dhe dinjitet deri në frymën e fundit.
Ai ishte bashkëshort i dashur, baba i përkushtuar, gjysh i mrekullueshëm, profesor i respektuar dhe njeri me zemër të madhe, i cili la pas kujtime të paharruara dhe një boshllëk të pazëvendësueshëm në jetën tonë.