Armend Zemaj ka njoftuar për vdekjen e pedagogut, Sinan Shehu.
Ai tha se Shehu ishte një profesor, shok e atdhetar i devotshëm.
“Me pikëlloi shumë lajmi për ndarjen nga jeta të profesorit tim, kujdestarit të mrekullueshëm të klasës dhe pedagogut të merituar, Sinan Shehu.
Prof, ashtu siç të thërrisnim të gjithë, ishe një pedagog i shkëlqyer, një shok i mirë dhe një shqiptar i devotshëm. Vetëm para dy ditësh më telefonove i gëzuar për rezultatin tim të mirë, sepse gjithmonë i doje nxënësit e tu dhe gëzoheshe për sukseset e tyre.
U prehsh në paqe, Profi ynë i dashur. Respekti, mirënjohja dhe nderimi për ty do të mbeten gjithmonë në zemrat tona”, tha ai.
