Ka vdekur mërgimtari Jeton Xhigoli i cili prej vitesh jetonte dhe vepronte në Gjermani.
Lajmi u bë i ditur nga deputeti Mefail Bajqinovci i cili njoftoi se i ndjeri ishte mik i tij.
Njoftimi i plotë:
Paska ikur nga kjo jetë miku im, Jeton Xhigoli, i cili jetonte dhe vepronte në Gjermani.
Jetoni ishte njeri familjar, i urtë dhe me zemër të madhe, si dhe kontribues i madh për Kosovën. Sa herë që vinte në vendlindje, takoheshim dhe bashkëbisedonim për zhvillimin e vendit tonë. Shpesh ishim mysafirë në konakun e tij në fshatin Kryshefc të Obiliqit, ku na priste gjithmonë me respekt e bujari.