Të dielën parashikohet që në orët e mëngjesit të krijohen kushte për vranësira të ulëta dhe mjegull nëpër ultësira dhe lugina, të cilat pritet të tërhiqen në orët e para të ditës. Gjatë kësaj kohe, disa vranësira që pritet të kalojnë, kryesisht në Rrafshin e Dukagjinit, mund të sjellin ndonjë reshje të izoluar të shiut të ngrirë.
Përndryshe, në pjesën më të madhe të vendit do të vazhdojë mot kryesisht me diell, ndërsa gjatë ditës pritet shtim gradual i vranësirave, të cilat më vonë pasdite dhe në mbrëmje do të gjenerojnë reshje lokale shiu. Reshjet pritet të marrin shtrirje dhe intensifikim pas mesnate.
