Rastet e fundit të vdekjes së punëtorëve në vendin e punës në Korporatën Energjetike të Kosovës (KEK) kanë nxitur reagimin e Sindikatës së Re të KEK-ut.
Kryesia e kësaj sindikate do të mbajë sot, më 24 gusht, një mbledhje të jashtëzakonshme, ku do të diskutohet për gjendjen e sigurisë së punëtorëve në vendet e punës.
Sipas njoftimit të sindikatës, në fokus do të jenë shkaqet e aksidenteve, rastet e lëndimeve, si dhe vdekjet e punëtorëve gjatë kryerjes së detyrave të tyre.
