Vajza e hoxhë Idriz Kakrrukit, prijetarit të Pajtimit të Gjaqeve i bashkohet AAK-së

Esmehane Kakrruki, e bija e hoxhë Idriz Kakrrukit, prijetarit të Pajtimit të Gjaqeve, i është bashkuar sot AAK-së.

Kjo u bë e ditur nga lideri i AAK-së, Ramush Haradinaj i cili tha se Kakrruki do jetë kandidate e AAK-së për deputete.

“Sot listës së Aleancës iu bashkua Esmehane Kakrruki, e bija e Hoxhë Idriz Kakrrukit, prijetarit të Pajtimit të Gjaqeve, bashkë me Anton Çettën, Don Lush Gjergjin, Zekeria Canën e të tjerë.

E diplomuar në gazetari dhe me një përvojë të pasur në organizata të ndryshme, ajo sjell profesionalizëm dhe energji të re në listën e Aleancës. Kontributi i familjes Kakrruki për çështjen kombëtare është i çmuar, dhe sot ky rrugëtim i vlerave vazhdon me Esmehanën në listën tonë për deputete.”, shkroi Haradinaj.