Treni del nga shinat në Francë, rreth 20 të lënduar

Një tren doli nga shinat midis Rouen-it dhe Caen-it në Francën veriore, duke shkaktuar lëndime te rreth 20 persona, të premten në mbrëmje, njoftuan autoritetet franceze.

Treni po transportonte 180 pasagjerë dhe doli nga shinat pranë qytetit të Cleon-it në Normandi, bëri të ditur ministri francez i Transportit, Philippe Tabarot, në një postim në platformën X, raporton Reuters.

Në vendngjarje ndodhen 140 zjarrfikës për të ndihmuar të lënduarit dhe pasagjerët, shtoi ai.

Autoriteti vendor, prefektura e Seine-Maritime, u bëri thirrje qytetarëve që ta shmangin zonën.