Thaçi në përvjetorin e gjashtë të shkuarjes në Hagë: Do të dal i pastër si loti në fund të këtij rrugëtimi

Në përvjetorin e gjashtë të shkuarjes në Hagë të ish-presidentit të Kosovës, Hashim Thaçi, ekipi i tij medial ka publikuar një mesazh të tij, të shoqëruar me një fotografi nga Astrit Ibrahimi.

Në mesazhin e publikuar, Thaçi shpreh mirënjohje dhe falënderim për të gjithë ata që vazhdojnë ta mbështesin, duke u zotuar se do të dalë i pastër nga ky proces.

“Dua t’ju shtrëngoj dorën secilit nga ju, t’ju përqafoj të gjithëve dhe t’ju siguroj se do të dalë me çdo qelizë time të pastër si loti në fund të këtij rrugëtimi, që vazhdon me ju dhe për ju!”, thuhet në mesazhin e publikuar.